“AzNar” QSC növbəti dəfə cəbhədəki əsgərlərə yardım sovqatı aparıb | AZNAR
07.10.2020

“AzNar” QSC növbəti dəfə cəbhədəki əsgərlərə yardım sovqatı aparıb

Göyçay rayonunda fəaliyyət göstərən “AzNar” QSC-nin nar emalı müəssisəsinin kollektivi Azərbaycan ordusuna dəstək münasibətilə Bərdə və Tərtər rayonlarındakı hərbi hissələrə yardım sovqatı aparıb.



Bu barədə Göyçay informasiya agentliyinə istinadən xəbər veririk ki, Rusiyada yaşayan azərbaycanlı iş adamı, “AzNar” QSC-nin sahibi Fərhad Əhmədovun təşəbbüsü ilə ilə keçirilən bu xeyriyyə aksiyası zamanı yük avtomobiləri vasitəsilə nar emalı zavodunun meyvə şirələri, eləcə də qoyun əti, müxtəlif ərzaq məhsulları və şirniyyatlar cəbhə bölgəsindəki hərbi hissələrə çatdırılıb.

Qida məhsulları ön xətdə Ermənistan Ordusu ilə üz-üzə dayanan əsgərlərə paylanılıb. “AzNar” QSC-nin baş direktoru Teymur Əhmədov cəbhə bölgəsində Vətənin keşiyində ayıq-sayıq dayanan zabit və əsgərlərə daima dəstək olacaqlarını bildirərək. Ali Baş komandan İlham Əliyevin rəhbərliyi ilə güclü ordumuzun tezlikən işğal altında olan torpaqlarımızı azad edəcəyini bildirmişdir. T. Əhmədov cənab Fərhad Əhmədovun adından əldə olunan qələbələr münasibətilə təbrik edərək cəbhədə düşmənə sinə gərən igidlərimizə cansağlığı və uğurlar arzuladı.

Qeyd edək ki, “AzNar” QSC-nin rəhbərliyi 10 ildən artıqdır ki, ənənəvi olaraq daima ön cəbhədəki hərbi hissələrə bayram sovqatı göndərir.

Bundan əlavə şirkət tərəfindən mütəmadi olaraq Bakıda və ölkənin digər bölgələrində əlillər, aztəminatlı ailələr, valideyn himayəsndən məhrum
uşaqlar, ahıl insanlar üçün xeyriyyə aksiyaları keçirilir, onlara maddi yardım, geyim və ərzaq məhsulları verilir.

http://xeberler.info.az/xeberler/2044-aznar-qsc-novbti-df-cbhdki-sgrlr-yardim-sovqati-aparib.html

şəkillər